ວຽກງານ ນໍ້າ ແລະ ສຸຂະອານາໄມ ຕາມຮູບແບບ 3 ດາວ
ຂໍ້ຕົກລົງ
| ລ.ດ | ເນື້ອໃນເອກະສານ | ລົງວັນທີ | ດາວໂຫລດ |
|---|---|---|---|
| # |
ຂໍ້ຕົກລົງ ວ່າດ້ວຍ ການແຕ່ງຕັ້ງ ຄະນະຮັບຜິດຊອບ ແລະ ຜູ້ເຂົ້າຮ່ວມກອງປະຊຸມຮ່າງ ຄູ່ມືສະແດງຂໍ້ມູນ ວຽກງານນໍ້າ ແລະ ສຸຂະອະນາໄມ ຊັ້ນອະນຸບານ ແລະ ຊັ້ນປະຖົມສຶກສາ ໃນລະບົບ LESMIS |
3168
/ສສກ,
ລົງວັນທີ ວັນທີ 05 ກໍລະກົດ 2023 |
|
ຜົນການປະເມີນ
ລາຍການປະເມີນ
- ດ້ານທີ 1 - ດ້ານນໍ້າໃຊ້ (Water for use)
- ດ້ານທີ 2 - ດ້ານນໍ້າດື່ມສະອາດປອດໄພ (Drinking water)
- ດ້ານທີ 3 - ດ້ານວິດຖ່າຍ ແລະ ໂຖຍ່ຽວ (Latrine and Urinals)
- ດ້ານທີ 4 - ດ້ານສະພາບແວດລ້ອມ (School Environment)
- ດ້ານທີ 5 - ດ້ານອານາໄມສ່ວນບຸກຄົນ (Personal Hygiene)
- ດ້ານທີ 6 - ດ້ານກິນຢາຂ້າແມ່ທ້ອງ (Deworming)
ດ້ານທີ 1 - ດ້ານນໍ້າໃຊ້ (Water for use)
| ດາວ | ຕົວຊີ້ບອກ | ລະຫັດປະເມີນ | ລາຍການປະເມີນ |
|---|---|---|---|
| ★ | 1.1 | 1.1.1 | ໂຮງຮຽນມີນໍ້າໃຊ້ ພຽງພໍສໍາລັບທຸກກິດຈະກໍາໃນໂຮງຮຽນ |
| ★ | 1.2 | 1.2.1 | ຄູ ແລະ ນັກຮຽນທຸກຄົນນໍາໃຊ້ນໍ້າຢ່າງປະຢັດ |
| ★★ | 1.3 | 1.3.1 | ໃນບໍລິເວນໂຮງຮຽນມີແຫຼ່ງນໍ້າໃຊ້ທີ່ໄດ້ຮັບການປັບປຸງແລ້ວ ແລະ ນໍາໃຊ້ແຫຼ່ງນໍ້າຈາກພາຍນອກທີ່ໄດ້ຮັບການປັບປຸງແລ້ວ |
| ★★ | 1.4 | 1.4.1 | ໃນແຜນພັດທະນາໂຮງຮຽນມີກິດຈະກໍາກ່ຽວກັບການປົກປັກຮັກສາ ແລະ ສ້ອມແປງລະບົບນໍ້າໃຊ້ |
| ★★ | 1.4 | 1.4.2 | ລະບົບນໍ້າ ໃຊ້ງານໄດ້ປົກກະຕິ |
| ★★ | 1.4 | 1.4.3 | ອຸປະກອນໃສ່ນໍ້າ ໃຊ້ງານໄດ້ ແລະ ສະອາດ |
| ★★★ | 1.5 | 1.5.1 | ແຫຼ່ງນໍ້າໃນໂຮງຮຽນເປັນແຫຼ່ງນໍ້າທີ່ໄດ້ຮັບການປັບປຸງແລ້ວ. |
| ★★★ | 1.6 | 1.6.1 | ນັກຮຽນທຸກຄົນ ລວມທັງນັກຮຽນພິການສາມາດເຂົ້າເຖິງຈຸດແຈກນໍ້າ ໄດ້ສະດວກແລະ ປອດໄພ |
ດ້ານທີ 2 - ດ້ານນໍ້າດື່ມສະອາດປອດໄພ (Drinking water)
| ດາວ | ຕົວຊີ້ບອກ | ລະຫັດປະເມີນ | ລາຍການປະເມີນ |
|---|---|---|---|
| ★ | 2.1 | 2.1.1 | ນັກຮຽນທຸກຄົນໄດ້ດື່ມນໍ້າສະອາດຢູ່ໂຮງຮຽນ |
| ★ | 2.1 | 2.2.1 | ພາຊະນະໃສ່ນໍ້າດື່ມ ຫຼື ຈອກຂອງນັກຮຽນ ສະອາດ. |
| ★★ | 2.3 | 2.3.1 | ໂຮງຮຽນສາມາດສະໜອງນໍ້າດື່ມທີ່ສະອາດ, ປອດໄພໃຫ້ນັກຮຽນໄດ້ຢ່າງໜ້ອຍ 0.5 ລິດ/ຄົນ/ມື້ |
| ★★ | 2.3 | 2.3.2 | ນັກຮຽນທຸກຄົນມີຈອກ ຫຼື ຕຸກໃສ່ນໍ້າເປັນຂອງຕົນເອງ |
| ★★ | 2.4 | 2.4.1 | ໂຮງຮຽນວາງບ່ອນນໍ້າດື່ມເໝາະສົມ, ປອດໄພ ແລະ ນັກຮຽນສາມາດເອົານໍ້າດື່ມໄດ້ຢ່າງສະດວກທຸກເວລາ |
| ★★ | 2.4 | 2.4.2 | ພາຊະນະໃສ່ນໍ້າດື່ມສະອາດ ແລະ ໃຊ້ງານໄດ້ |
| ★★★ | 2.5 | 2.5.1 | ໂຮງຮຽນສະໜອງນໍ້າດື່ມສະອາດ, ປອດໄພ ແລະ ພຽງພໍຢ່າງໜ້ອຍ 1 ລິດ/ຄົນ/ມື້ |
ດ້ານທີ 3 - ດ້ານວິດຖ່າຍ ແລະ ໂຖຍ່ຽວ (Latrine and Urinals)
| ດາວ | ຕົວຊີ້ບອກ | ລະຫັດປະເມີນ | ລາຍການປະເມີນ |
|---|---|---|---|
| ★ | 3.1 | 3.1.1 | ວິດຖ່າຍ ແລະ ໂຖຍ່ຽວຢູ່ໃນໂຮງຮຽນໄດ້ມາດຕະຖານ ແລະ ສາມາດນໍາໃຊ້ໄດ້ປົກກະຕິ |
| ★ | 3.1 | 3.1.2 | ວິດຖ່າຍ ແລະ ໂຖຍ່ຽວສະອາດ ແລະ ປອດໄພ |
| ★ | 3.1 | 3.1.3 | ນັກຮຽນໄດ້ນໍາໃຊ້ວິດຖ່າຍ ແລະ ໂຖຍ່ຽວ |
| ★ | 3.2 | 3.2.1 | ມີຕາຕະລາງອະນາໄມວິດຖ່າຍ ແລະ ໂຖຍ່ຽວປະຈໍາວັນ |
| ★ | 3.2 | 3.2.2 | ໂຮງຮຽນມີການປົກປັກຮັກສາ ແລະ ສ້ອມແປງວິດຖ່າຍ ແລະ ໂຖຍ່ຽວ |
| ★★ | 3.3 | 3.3.1 | ວິດຖ່າຍໄດ້ແຍກຍິງ-ຊາຍ |
| ★★ | 3.3 | 3.3.2 | ວິດຖ່າຍເພດຍິງມີສິ່ງອໍານວຍຄວາມສະດວກໃນການນໍາໃຊ້ |
| ★★ | 3.3 | 3.3.3 | ຢູ່ບໍລິເວນໃກ້ວິດຖ່າຍມີບ່ອນລ້າງມື ທີ່ມີສະບູ ແລະ ນໍ້າ |
| ★★★ | 3.4 | 3.4.1 | ສະເລ່ຍຈຳນວນນັກຮຽນ ກັບວິດຖ່າຍ ບໍ່ເກີນ 50 ຄົນຕໍ່ຫົວວິດ |
| ★★★ | 3.4 | 3.4.2 | ມີໂຖຍ່ຽວເໝາະສົມສຳລັບນັກຮຽນຊາຍ ບໍ່ເກີນ 100 ຄົນຕໍ່ 1 ບ່ອນ |
| ★★★ | 3.4 | 3.4.3 | ມີວິດຖ່າຍ ແລະ ໂຖຍ່ຽວທີ່ນັກຮຽນພິການສາມາດນຳໃຊ້ໄດ້ |
ດ້ານທີ 4 - ດ້ານສະພາບແວດລ້ອມ (School Environment)
| ດາວ | ຕົວຊີ້ບອກ | ລະຫັດປະເມີນ | ລາຍການປະເມີນ |
|---|---|---|---|
| ★ | 4.1 | 4.1.1 | ໃນ ແລະ ນອກຫ້ອງຮຽນມີຄວາມສະອາດ |
| ★ | 4.1 | 4.1.2 | ນັກຮຽນຖິ້ມຂີ້ເຫຍື້ອໃສ່ກະຕ່າ |
| ★ | 4.1 | 4.1.3 | ໂຮງຮຽນມີຕາຕະລາງອະນາໄມໃນ ແລະ ນອກຫ້ອງຮຽນທຸກວັນ |
| ★ | 4.1 | 4.1.4 | ໂຮງຮຽນມີບ່ອນຖີ້ມຂີ້ເຫຍື້ອລວມ |
| ★ | 4.1 | 4.1.5 | ມີອຸປະກອນ ແລະ ສິ່ງອຳນວຍຄວາມສະດວກໃນການອະນາໄມ ເປັນປົກກະຕິ |
| ★★ | 4.2 | 4.2.1 | ຮ້ານອາຫານ ແລະ ເຮືອນຄົວມີຄວາມສະອາດ |
| ★★ | 4.3 | 4.3.1 | ໂຮງຮຽນ ມີລະບົບລະບາຍນໍ້າເປື້ອນ |
| ★★ | 4.3 | 4.3.2 | ມີການກໍາຈັດແຫຼ່ງເພາະພັນຍຸງ |
| ★★ | 4.3 | 4.3.3 | ໂຮງຮຽນໄດ້ແຍກ ແລະ ກໍາຈັດຂີ້ເຫຍື້ອ |
| ★★★ | 4.4 | 4.4.1 | ຜູ້ປຸງແຕ່ງ ແລະ ຜູ້ເສີບອາຫານແຕ່ງກາຍເໝາະສົມ ແລະ ມີຄວາມສະອາດ |
| ★★★ | 4.4 | 4.4.2 | ພາຊະນະປຸງແຕ່ງ ແລະ ບັນຈຸອາຫານມີຄວາມສະອາດ ແລະ ປອດໄພ |
| ★★★ | 4.5 | 4.5.1 | ໂຮງຮຽນ ຮ່ວມມືກັບ ຄະນະພັດທະນາການສຶກສາຂັ້ນບ້ານ ສະມາຄົມພໍ່ແມ່ນັກຮຽນ ໃນການບູລະນະ ແລະ ປົກປັກຮັກສາສະພາບແວດລ້ອມໃນໂຮງຮຽນ |
ດ້ານທີ 5 - ດ້ານອານາໄມສ່ວນບຸກຄົນ (Personal Hygiene)
| ດາວ | ຕົວຊີ້ບອກ | ລະຫັດປະເມີນ | ລາຍການປະເມີນ |
|---|---|---|---|
| ★ | 5.1 | 5.1.1 | ໂຮງຮຽນມີຂະບວນການເຜີຍແຜ່ການຮັກສາອະນາໄມສ່ວນບຸກຄົນ |
| ★ | 5.1 | 5.1.2 | ນັກຮຽນທຸກຄົນໄດ້ເຮັດກິດຈະກໍາລ້າງມືໃສ່ສະບູເປັນກຸ່ມທຸກວັນ |
| ★ | 5.1 | 5.1.3 | ຄູປະຈໍາຫ້ອງກວດກາ ຄວາມສະອາດຂອງນັກຮຽນ ປົກກະຕິທຸກວັນ |
| ★★ | 5.1 | 5.1.4 | ຄູໄດ້ແນະນໍາວີທີຮັກສາອະນາໄມຕົນເອງໃຫ້ແກ່ນັກຮຽນໃນເວລາເປັນປະຈຳເດືອນ ແລະ ການກໍາຈັດຜ້າອະນາໄມທີ່ໃຊ້ແລ້ວ |
| ★★ | 5.2 | 5.2.1 | ນັກຮຽນສ່ວນຫຼາຍໄດ້ລ້າງມືໃສ່ສະບູທຸກຄັ້ງກ່ອນກິນອາຫານ ແລະ ຫຼັງໃຊ້ວິດຖ່າຍ |
| ★★ | 5.2 | 5.2.2 | ນັກຮຽນສ່ວນຫຼາຍໄດ້ຖູແຂ້ວຢູ່ໂຮງຮຽນທຸກວັນ |
| ★★ | 5.2 | 5.2.3 | ນັກຮຽນສ່ວນຫຼາຍມີຄວາມສະອາດທາງດ້ານຮ່າງກາຍ ແລະ ເຄື່ອງນຸ່ງ |
| ★★★ | 5.3 | 5.3.1 | ນັກຮຽນທຸກຄົນໄດ້ລ້າງມືໃສ່ສະບູທຸກຄັ້ງກ່ອນກິນອາຫານ ແລະ ຫຼັງໃຊ້ວິດຖ່າຍ |
| ★★★ | 5.3 | 5.3.2 | ນັກຮຽນທຸກຄົນໄດ້ຖູແຂ້ວຢູ່ໂຮງຮຽນທຸກວັນ |
| ★★★ | 5.3 | 5.3.3 | ໂຮງຮຽນມີຜ້າອະນາໄມແຮກໍລະນີສຸກເສີນ ເວລານັກຮຽນຍິງເປັນປະຈຳເດືອນ |
| ★★★ | 5.3 | 5.3.4 | ນັກຮຽນທຸກຄົນມີຄວາມສະອາດທາງດ້ານຮ່າງກາຍ ແລະ ເຄື່ອງນຸ່ງ |
ດ້ານທີ 6 - ດ້ານກິນຢາຂ້າແມ່ທ້ອງ (Deworming)
| ດາວ | ຕົວຊີ້ບອກ | ລະຫັດປະເມີນ | ລາຍການປະເມີນ |
|---|---|---|---|
| ★ | 6.1 | 6.1.1 | ໂຮງຮຽນມີຂະບວນການເຜີຍແຜ່ການຮັກສາອະນາໄມສ່ວນບຸກຄົນ |
| ★ | 6.2 | 6.2.1 | ນັກຮຽນທຸກຄົນໄດ້ເຮັດກິດຈະກໍາລ້າງມືໃສ່ສະບູເປັນກຸ່ມທຸກວັນ |
| ★ | 6.3 | 6.3.1 | ຄູປະຈໍາຫ້ອງກວດກາ ຄວາມສະອາດຂອງນັກຮຽນ ປົກກະຕິທຸກວັນ |
ຄວາມເປັນມາ
ເລີ່ມປະຕິບັດຢູ່ ສປປ ລາວໃນປີ 2011
ການຮ່ວມມືລະຫວ່າງກະຊວງສຶກສາທິການ ແລະ ກິລາ ກັບກະຊວງສາທາລະນະສຸກມີ: ກົມອະນຸບານ ແລະ ປະຖົມສຶກສາ (ບັນດາກົມເລົ່ານີ້ແມ່ນປະກອບສ່ວນໃນການພັດທະນາຄູ່ມືມີຄື: ກົມມັດທະຍົມ, ສວສ, ກົມສ້າງຄູ) ກະຊວງສາທາລະນະສຸກມີ: ກົມຄວາມຄຸມພະຍາດຕິດຕໍ່, ສູນໄຂ້ຍຸງແມ່ກາຝາກ ແລະ ແມງໄມ້,ກົມອະນາໄມສິ່ງແວດລ້ອມ ແລະ ຈັດຫານ້ຳສະອາດ).
ຫົວຂໍ້ວຽກທີ່ປະຕິບັດ:
ກິດຈະກຳລ້າງມືໃສ່ສະບູເປັນກຸ່ມທຸກວັນ
ກິດຈະກຳຖູແຂ້ວເປັນກຸ່ມທຸກວັນ
ການກີນຢາຂ້າແມ່ທ້ອງ
ປະຕິບັດກິດຈະກຳ ຢູ່ 4 ຕົວເມືອງ ໄດ້ຖືກຄັດເລືອກເພື່ອທົດລອງສ້າງເປັນໂຮງຮຽນຕົວ 22 ແຫ່ງ ໂດຍການຮ່ວມມືກັບພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ຫ້ອງການສຶກສາທິການ ແລະ ກິລາເມືອງ ສີສັດຕະນາກ, ຈັນທະບູລີ, ໄຊເສດຖາ ແລະ ສີໂຄດຕະບອງ
ໄດ້ຜັນຂະຫຍາຍ
- ທ້າຍປີ 2015 ກົມອະນຸບານ ແລະ ປະຖົມສຶກສາ ໄດ້ຈັດກອງປະຊຸມເຜີຍແຜ່ວຽກງານສົ່ງເສີມສຸຂະພາບດີໃນໂຮງຮຽນ ໃຫ້ທີມງານສົ່ງເສີມສຸຂະພາບຂັ້ນແຂວງລວມທັງໝົດ 18 ແຂວງ ແຕ່ລະແຂວງ ແມ່ນໄດ້ເລືອກເອົາ 1 ເມືອງໃນເທດສະບານມາເຂົ້າຮ່ວມ, ໂດຍແມ່ນທືນຂອງລັດຖະບານເອງ- ປີ 2016 ກົມອະນຸບານ ແລະ ປະຖົມສຶກສາ ແມ່ນໄດ້ເລືອກເອົາ 2 ແຂວງ: ຈຳປາສັກ ແລະ ແຂວງບໍລິຄຳໄຊ (ແມ່ນເອົາທຸກໆເມືອງ). ເພື່ອເຝິກອົບເຜີຍແຜ່ວຽກງານສົ່ງເສີມສຸຂະພາບດີໃນໂຮງຮຽນ ໂດຍແມ່ນທຶນຂອງລັດຖະບານເອງ
- ປີ 2016 ອົງການ GIZ, Plan, World Food Progamme ໄດ້ຮ່ວມກັນເຝິກອົບວຽກງານສົ່ງເສີມສຸຂະພາບດີໃນໂຮງຮຽນ ແຂວງອຸດົມໄຊ ແລະ ບໍ່ແກ້ວ(ແມ່ນເອົາທຸກໆເມືອງ) ຄູເຝິກແມ່ນກົມອະນຸບານ ແລະ ປະຖົມສຶກສາ, ກະຊວງສຶກສາທິການ ແລະ ກິລາ
ຈຸດປະສົງ
ເພື່ອນໍ້າໃຊ້ມາດຕິະຖານເຂົ້າາໃນການປັະເມີນວຽກງານນໍ້າ ແລະ ສຸຂະອະນາໄມໃນໂຮງຮຽນ.ເພື່ອຕິີລາຄາຜົົນການຈຸັດຕັ້ງປະຕິິບັັດ ແລະ ຈຸັດອັນດັບຕາມຫຼັກການ 3 ດາວ.
ເພື່ອໃຫ້ໄດຂໍ້ມູນສໍາລັບການວາງແຜນພັດທະນາໂຮງຮຽນ.
ເພື່ອເປັັນການຊຸກຍູ້, ສົົ່ງເສີມ, ປັັບປຸງ ແລະ ປ່ຽນແປງພຶດຕິກໍາຂອງເດັກໄປໃນທາງທີີດີ.
ການຈັດຕັ້ງປະຕິບັດການ
ສ້າງມາດຕະຖານດ້ານນ້ຳ ແລະ ສຸຂະອະນາໄມ ສຳລັບສະຖານການສຶກສາກ່ອນໄວຮຽນ ແລະ ສາມັນສຶກສາ
ພັດທະນາຄູ່ມືການປະເມີນວຽກນ້ຳ ແລະ ສຸຂະອະນາໄມໃນໂຮງຮຽນ
ສະໜອງນ້ຳ, ວິດຖ່າຍ ແລະ ອ່າງລ້າງມື
ຢາຂ້າແມ່ທ້ອງ
ສ້າງຖານຂໍ້ມູນການປະເມີນວຽກນ້ຳ ແລະ ສຸຂະອະນາໄມ ຕາມ ຮູບແບບ 3 ດາວ
ຝຶກອົບຮົມການນຳໃຊ້ຖານມູນການປະເມີນວຽກນ້ຳ ແລະ ສຸຂະອະນາໄມ ຕາມ ຮູບແບບ 3 ດາວ
ຄູ່ມື ແລະ ວິດີໂອ ສຳລັບໂຮງຮຽນ ແລະ ຊຸມຊົນ ໃນການປະຕິບັດວຽກງານສົ່ງເສີມສຸຂະພາບດີໃນໂຮງຮຽນ;
ປື້ມຄູ່ມືສິ່ງອຳນວຍຄວາມສະດວກໃນການລ້າງມືເປັນກຸ່ມໃນໂຮງຮຽນຢູ່ ສປປ ລາວ;
ຄູ່ມືແນະນຳການປະເມີນວຽກງານນໍ້າ ແລະ ສຸຂະອະນາໄມໂດຍນຳໃຊ້ຮູບແບບ 3 ດາວ
ຄູ່ມື ແລ ວິດີໂອ ແນະນຳການສັງລວມ ແລະ ວິເຄາະຜົນການປະເມີນວຽກງານນໍ້າ ແລະ ສຸຂະອະນາໄມ ໂດຍນຳໃຊ້ຮູບແບບ 3 ດາວ.
ຖານຂໍ້ມູນການປະເມີນດ້ານນໍ້າ ແລະ ສຸຂະອະນາໄມ ໂດຍນໍາໃຊ້ຮູບແບບ 3 ດາວ ສໍາລັບໂຮງຮຽນປະຖົມ
ການເຜີຍແຜ່
ຝຶກອົບຮົມວຽກງານສົ່ງເສີມສຸຂະພາບດີໃນໂຮງຮຽນ ກິດຈະກຳ ລ້າງມື-ຖູແຂ້ວເປັນກຸ່ມທຸກວັນ.
ເຜີຍແຜ່ວຽກງານນໍ້າ ແລະ ສຸຂະອະນາໄມ ໃຫ້ແກ່ຜູ້ບໍລິຫານ ແລະ ວິຊາການຂັ້ນແຂວງ, ເມືອງ ແລະ ໂຮງຮຽນ ໃນທົ່ວປະເທດ.
ຝຶກອົບຮົມການປະເມີນວຽກງານນໍ້າ ແລະ ສຸຂະອະນາໄມ ໂດຍນຳໃຊ້ຮູບແບບ 3 ດາວໃຫ້ແກ່ຜູ້ບໍລິ ຫານ ແລະ ວິຊາການຂັ້ນແຂວງ, ເມືອງ ແລະ ໂຮງຮຽນ ໃນທົ່ວປະເທດ.
ໂຮງຮຽນປະເມີນຕົນເອງຕາມມາດຕະຖານວຽກງານນໍ້າ ແລະ ສຸຂະອະນາໄມ ໂດຍນຳໃຊ້ຮູບແບບ 3 ດາວ.
ຝຶກອົບຮົມການສັງລວມ ແລະ ວິເຄາະຜົນການປະເມີນວຽກງານນໍ້າ ແລະ ສຸຂະອະນາໄມ ໂດຍນຳໃຊ້ຮູບແບບ 3 ດາວ ໃຫ້ແກ່ວິຊາການຂັ້ນແຂວງ ແລະ ເມືອງ ໃນທົ່ວປະເທດ.
ກອງປະຊຸມຖອດຖອນບົດຮຽນເພື່ອປັບປຸງຖານຂໍ້ມູນວຽກງານນໍ້າ ແລະ ສຸຂະອະນາໄມ ໂດຍນຳໃຊ້ຮູບແບບ 3 ດາວ.
ເຜີຍແຜ່ຄວາມຮູ້ກ່ຽວກັບການປະເມີນວຽກນ້ຳ ແລະ ສຸຂະອະນາໄມໃນໂຮງຮຽນ
ຜົນການປະເມີນຕາມຮູບແບບ 3 ດາວ
ປຽບທຽບສະເລ່ຍລວມ 6 ດ້ານ ລະຫວ່າງ ສົກຮຽນ 2020-2021 ແລະ 2024-2025
ຈັດຕັ້ງປະຕິບັດ
ຈາກຂໍ້ມູນພື້ນຖານວຽກງານນ້ຳ ແລະ ສຸຂະອະນາໄມໃນໂຮງຮຽນທີ່ໄດ້ຮັບການຝຶກອົບຮົມວຽກງານສຸຂະອະນາໄມໃນໂຮງຮຽນປະຖົມຂັ້ນພື້ນຖານ ແລະ ໄດ້ປະເມີນວຽກງານນ້ຳ ແລະ ສຸຂະອະນາໄມຕາມຮູບແບບ 3 ດາວ ທົ່ວປະເທດ ເລີ່ມແຕ່ສົກຮຽນ 2020-2021 ຫຼັງຈາກທີ່ໄດ້ປະເມີນແລ້ວກໍ່ໄດ້ມີຂໍ້ມູນວຽກງານນ້ຳ ແລະ ສຸຂະອະນາໄມທົ່ວປະເທດ.
ດ້ານນ້ຳໃຊ້2020-2021 ແມ່ນມີແຕ່ 60,41% ເທົ່ານັ້ນ ແລະ ສົກຮຽນ 2024-2025 ແມ່ນເພີ່ມຂື້ນເປັນ 73,23%
ນໍ້າດື່ມສະອາດປອດໄພ2020-2021 ແມ່ນມີແຕ່ 42,43% ເທົ່ານັ້ນ ແລະ ສົກຮຽນ 2024-2025 ແມ່ນເພີ່ມຂື້ນເປັນ 57,88%
ວິດຖ່າຍ ແລະ ໂຖຍ່ຽວໃນ ສົກຮຽນ 2020-2021 ແມ່ນມີແຕ່ 30,00% ເທົ່ານັ້ນ ແລະ ສົກຮຽນ 2024-2025 ແມ່ນເພີ່ມຂື້ນເປັນ 53,38%
ສະພາບແວດລ້ອມ2020-2021 ແມ່ນມີແຕ່ 69,88% ເທົ່ານັ້ນ ແລະ ສົກຮຽນ 2024-2025 ແມ່ນເພີ່ມຂື້ນເປັນ 74,11%
ອະນາໄມສ່ວນບຸກຄົນ2020-2021 ແມ່ນມີແຕ່ 49,53% ເທົ່ານັ້ນ ແລະ ສົກຮຽນ 2024-2025 ແມ່ນເພີ່ມຂື້ນເປັນ 60,48%
ການກິນຂ້າແມ່ທ້ອງ2020-2021 ແມ່ນມີແຕ່ 88,40% ເທົ່ານັ້ນ ແລະ ສົກຮຽນ 2024-2025 ແມ່ນຫຼຸດລົງເປັນ 84,82% ແມ່ນຍ້ອນໃນສົກຮຽນ 2024-2025 ແມ່ນມີບາງແຂວງບໍ່ໄດ້ກິນຢາຂ້າແມ່ທ້ອງ ເພາະວ່າຜ່ານການກວດແລ້ວເຫັນວ່າບໍ່ມີການແຜ່ລະບາດຫຼາຍ ແລະ ໃຫ້ຢຸດກິນແຕ່ຍັງໄດ້ເຝົ້າລະວັງຢູ່
ເນື່ອງຈາກວ່າແຕ່ລະແຂວງ, ເມືອງ ແລະ ໂຮງຮຽນເຫັນຄວາມສຳຄັນຂອງວຽກງານສຸຂະອະນາໄມໃນໂຮງຮຽນປະຖົມພ້ອມກັນຈັດຕັ້ງປະຕິບັດໃນທົ່ວປະເທດຈຶ່ງເຮັດໃຫ້ວຽກນີ້ມີພັດທະນາຂື້ນໃນທາງບວກ
ແຜນວາດການໄຫຼຂໍ້ມູນ ແລະ ການພົວພັນລະຫວ່າງ 2 ຖານຂໍ້ມູນ
